ഐ ടി ജീവനക്കാർക്ക് വെൽഫെയർ ബോർഡ് രൂപീകരിക്കാനുള്ള തീരുമാനം സ്വാഗതാർഹം:പ്രതിധ്വനി

തിരുവനന്തപുരം> ഐ ടി ജീവനക്കാർക്ക് വെൽഫെയർ ബോർഡ് രുപീകരിക്കാനുള്ള സർക്കാർ തീരുമാനത്തെ ഐടി ജീവനക്കാരുടെ ക്ഷേമ സംഘടന ആയ പ്രതിധ്വനി സ്വാഗതം ചെയ്തു. 2016 മുതൽ പ്രതിധ്വനി ആവശ്യപ്പെടുന്ന ഒരു പ്രധാന കാര്യമാണ് ഐ ടി ജീവനക്കാർക്ക് പ്രത്യേകമായുള്ള ഒരു വെൽഫെയർ സെക്യൂരിറ്റി ബോർഡ്. കേരളത്തിലെ ഒന്നര ലക്ഷത്തോളം ഐ ടി ജീവനക്കാർക്ക് കൂടുതൽ ആത്മവിശ്വാസവും ജീവിത സുരക്ഷയും ഉറപ്പാക്കാൻ ഇതിലൂടെ കഴിയും.

ഇന്ത്യയിൽ ആദ്യമായാണ് ഐ ടി ജീവനക്കാർക്ക് മാത്രമായി ഒരു ക്ഷേമനിധി ഉണ്ടാകുന്നത്. നിലവിൽ ഷോപ്സ് & എസ്റാബ്ളിഷ്മെന്റ്റ് ആക്ടിന്റെ ഭാഗമായുള്ള വെൽഫെയർ ബോർഡിലാണ് ഐ ടി ജീവനക്കാരെയും ഉൾപ്പെടുത്തിയിരിക്കുന്നത്. കോവിഡ് സമയത് ഷോപ്സ് & എസ്റാബ്ളിഷ്മെന്റ്റ് ആക്ടിന്റെ ഭാഗമായുള്ള നിലവിലെ വെൽഫെയർ ബോർഡിൽ നിന്നും നിരവധി ആനുകൂല്യങ്ങൾ ഐ ടി ജീവനക്കാർക്ക് ലഭിച്ചിരുന്നു. അത് തന്നെ ആശ്വാസവും പ്രതിധ്വനിയുടെ വെൽഫെയർ ബോർഡ്.എന്ന ക്യാമ്പയിന് ഉത്തേജനവുമായി. പുതിയ വെൽഫെയർ ബോർഡ് ആകുന്നതോടെ ഐ ടി മേഖലയ്ക്ക് അനുയോജ്യമായ രീതിയിൽ അംശാദായവും ജീവനക്കാർക്കുള്ള ആനുകൂല്യങ്ങളും വർധിപ്പിക്കാൻ കഴിയും. അതോടൊപ്പം പെൻഷൻ, ജോബ് ഇൻഷുറൻസ് പോലെയുള്ള പുതിയ കാര്യങ്ങളും വെൽഫെയർ ബോർഡ് വഴി നടപ്പാക്കാൻ കഴിയും.

ഐ ടി വകുപ്പിന്റെ ചുമതല കൂടിയുള്ള മുഖ്യമന്ത്രിയെ നേരിട്ടു കണ്ടും പ്രത്യേക വെൽഫെയർ ബോർഡിന്റെ ആവശ്യകത ബോധ്യപ്പെടുത്തുകയും നിവേദനം നൽകുകയും ചെയ്തിരുന്നു. പിന്നീട് ടി വി രാജേഷ് എം എൽ എ ചെയർമാനായുള്ള യുവജനക്ഷേമ നിയമസഭാ സമിതിക്കു മുന്നിലും ഈ ആവശ്യം ബോധ്യപ്പെടുത്തി.

പ്രതിധ്വനിയുടെ ആവശ്യം എം സ്വരാജ് എം എൽ എ സബ്മിഷനിലൂടെ നിയമസഭയുടെ ശ്രദ്ധയിലും കൊണ്ട് വന്നിരുന്നു. 2019 ലെ പ്രതിധ്വനിയുടെ വാർഷിക പൊതുയോഗത്തിലെ പ്രധാന ആവശ്യവും വെൽഫെയർ സെക്യൂരിറ്റി ബോർഡ് ആയിരുന്നു. അനുഭാവപൂർവം പരിഗണിക്കാമെന്ന മുഖ്യമന്ത്രിയുടെ ഉറപ്പു ഈ സർക്കാരിന്റെ സമയത്തു തന്നെ പ്രാവർത്തികമാക്കിയതിൽ മുഖ്യമന്ത്രി പിണറായി വിജയനോടും സർക്കാരിനോടും നന്ദിയുണ്ടെന്നും പ്രതിധ്വനി അറിയിച്ചു.

from Kerala || Deshabhimani ​Online ​News https://ift.tt/2NZNB1C
via IFTTT